Esta semana
estivemos en Santiago para visitar as instalacións da Televisión de Galicia en
San Marcos e o Museo de Historia Natural no Parque de Vista Alegre.
Comezamos
de mañá nos platós dos diferentes programas da televisión autonómica, para
comprobar in situ que se esconde
detrás das imaxes que chegan ás nosas casas a diario. Vimos alí diversos tipos
de cámaras, montaxes de luces e son e tamén decorados e aprendimos entre outras cousas o que era un
croma, un telepronter ou un control de realización. O mundo da comunicación xa
atractivo por si mesmo tornou a “espectacular” coa chegada de Xosé Ramón Gayoso,
presentador do LUAR que se retratou a petición popular con todos nós.
O noso percorrido
por Compostela continuou coa visita ao Museo de Historia Natural onde buscamos
as respostas para un cuestionario realizado pola profesora de Ciencias Naturais
sobre os diferentes ecosistemas e os fósiles alí expostos. Non faltou a visita
á Catedral onde quixéramos ver rematado o Pórtico da Gloria. Quizais para a
próxima.
No hay comentarios:
Publicar un comentario